पुणे : रयत शिक्षण संस्थेचे माजी सचिव आणि एस. एम. जोशी कॉलेजचे प्राचार्य डॉ. अरविंद बुरुंगले यांनी केलेल्या उल्लेखनीय शैक्षणिक व सामाजिक कार्याची दखल घेऊन, अरुण दादा बेल्हेकर युवा राष्ट्रनिर्माण संस्थेच्या वतीने त्यांना आदर्श शिक्षक पुरस्काराने सन्मानित करण्यात आले.
नेहरू युवा केंद्राचे समन्वयक यशवंत मानखेडकर, पद्मश्री डॉ. सुदाम काटे यांच्या हस्ते डॉ. अरविंद बुरुंगले यांना हा पुरस्कार प्रदान करण्यात आला.
डॉ. अरविंद बुरुंगले यांना नारायण सुर्वे स्नेहबंध पुरस्कार, सृजन कलामंच शैक्षणिकरत्न पुरस्कार, तसेच ग्लोबल एज्युकेशन फेलो ऑफ इंटरनॅशनल असोसिएशन सायन्स इम्पॅक्ट पुरस्कार आदी पुरस्कार प्राप्त झाले आहेत. त्यांच्या या यशाबद्दल महाविद्यालय विकास समितीचे सर्व मान्यवर, प्राध्यापक, विद्यार्थी व शिक्षकेतर सेवक आदींनी त्यांचे अभिनंदन केले.
